La dis paj, mela garra tok abat femili kot.

Femili kot, im pleis weya a judj meigim ligul wan desishin ba femili en kid.

‍

‍

‍

Langa dijan paj:

• Wanim femili kot
• Wanim yu gin do bifo gwon na femili kot
• Gedim redi ba femili kot
• Hau dat judj garra desaid wat hepin na yu kid
• Sapot ba yu

‍

Wanim femili kot

‍

La femili kot, a judj meigim ligul wan desishin ba yu femili.

Jas laik, dey wil meigim ligul desishin ba:

• yu
• yu partna, laik boyfren or gelfren
• yu kid.

Dey wil jingabat wanim yu kid nid fes.

‍

Yu maiti tjujim ba gu femili kot if:

• yu brekap gat yu partna
• yu en yu partna noma gin agri ba hu yundubala kid garra lib garra.

Ala biginini in Australia abum rait to bi seif en hepi.

Raits sabi em ruls ba hau pipul garra trit yu:

• raitwei
• en saim laik everybody els.

‍

Dey also gara rait to abum seif relashinship garrim dubala mami dedi mob.

Yu relashinship gat samwan im hau yu kinected gat dat person.

‍

‍

‍

Femili kot im abum saim lo aloba stat en teritry la Australia.

Westen Australia im gara diffrin ronwan lo ba im femili kot.

‍

‍

‍

Ala femili kot la Australia bulrum wan lo kolum the Family Law Act 1975.

Western Australia femili kot bulrum wan lo kolum the Western Australia Family Court Act 1997.

Yu gin faindat mo na the Australian Government website.

‍

‍

Wen yu go na femili kot im gin be basbrein.

Bat yu gin gajim sapot en alb.

‍

‍

Wanim yu gin do bifo gwon na femili kot

Yu gin tjujim sam ting bifo yu go na femili kot.

‍

‍

‍

‍

If yu relashinship binijap, yundubala gin sine griman ba hau yu garra lukafta na yu biginini.

Dijan griman kolum parenting agreement.

‍

‍

Jat femili kot will den:

• tjekam yu bin sined parenting griman
• en im garra gri gat jat griman.

‍

‍

Yu gin faindat mo bla hau meigim dijan griman la Federal Circuit and Family Court of Australia website.

‍

‍

‍

Yu noma gara meigim a parenting griman by misel.

Yu gin kol the Femili Relashinship Advice Line ba halp en sapot.

1800 050 321

‍

‍

‍

Yu gin faindat mo ba the Femili Relashinship Advice Line on the Family Relationships website.

‍

‍

‍

Yu gin git sapot thru ligulwan sebis la yu local wan eriya du.

Yu gin bisit the Community Legal Centres website ba more infomashin.

‍

Gedim redi ba femili kot

‍

Maiti yu labda go na femili kot:

• yu kaan agri gat yu ex partna on hu yu biginini garra lib garra
• banbai yu wanim divorce
• yu wandim salimbat haus that yundubala ron gija.

‍

Ip yu labda gun a femili kot yu garra gajim femili loya.

A loya im samwan who sabi brabli wei dis femili lo.

‍

‍

‍

A femili loya gara della yu what gara hepin na femili kot na yu.

Dey gin album yu gajim sapot yu nid to go na femili kot du.

Jas laik, maiti yu nid:

• terpreda
• mait bi sam kain technology ba album yu toktok gudwei so alabat sabi wanim yu tok brabli wei.

Terpreda im samwan hu gin album yu sabi infomashin garra yu ronwan languis.

‍

Femili kot garra wekwekbat gudwei garra alabat said.

Eben wen yu garrim disibiliti.

‍

‍

‍

Yu gin gajim ligul wan alb wen yu noma meigim loda mani.

Jas laik, if yu mani kam bram disability sapot mani.

Yu gin bisit jat Federal Circuit and Family Court of Australia website for more infomashin.

‍

‍

Yu shud delim yu femili loya if yu bin abum domestic and family violence na yu relashinship gat yu ex-patna.

Domestic en femili biolens im wen samwan gulijap na yu ardim yu, laik:

• yu partna, laik boyfren or gelfren
• samwan na yuron femili mob
• samwan hu lukafta yu
• samwan yu lib garra.

‍

Dat judj gara jingabat hau yu en yu biginini gin be seifwan wen dey meigim disishin ba yu.

Femili kot garra meigim shuwa yu seif jeya la kot du.

‍

‍

‍

Hau bla pipul garrim disability garra lijin la kot

‍

Maiti femili kot wana sabi hau yu garra lukaftambat yu biginini gudwei garrim yu disabiliti.

Jas laik, ip yu disability meigim adbala ba yu duimbat potenwan ting bay yu biginini.

‍

‍

‍

‍

Imin rili gudwan idiya ba jingabat hau yu gara:

• manijim impotinwan job ba yu biginini misel
• ansarim gudway kwestjin ba wannim yu gin duim bifo yu go na femili kot.

‍

‍

Sambala mami dedi mob gin abum diskriminashin in the femili kot dumaji ba im disability.

Jas laik, dat judj maiti rigin yu kaan lukaftambat gudwei that biginini bikos yu gat disability.

Diskriminashin wen pipul or sebis trit yu nogudwei dumaji of a pat of hu yu are (sabi laik maiti yu skin dakwan).

‍

Yu shud toktokbat na yu loya if yu waribat ba dis kain ting hepinin na yu.

‍

‍

‍

Hau dat judj garra desaid wat hepin na yu biginini

‍

Tharran judj garra jingabat 3 bala ting wen im meigim disishin ba yu biginini.

‍

‍

‍

‍

1. Wanim yu nid ba yu biginini

‍

‍

‍

2. Hau mach taim yu spen gat yu biginini

‍

‍

‍

‍

3. Hau mach of yu mani yu spendim na yu biginini

‍

‍

‍

‍

1. Wanim yu nid ba yu biginini

‍

Dat judj will jingabat wat yu en yu ex partna gara duimbat ba lukaftambat yundubala biginini.

‍

‍

‍

‍

Jat lo im say in lota cases yu en yu ex partna gara lukaftambat yundubala biginini.

Eben if yundubala binijap.

Dis min yundubala gara:

• sapot yu biginini
• meigim impotanwan disishin ba yu biginini.

‍

Maiti dat judj gin disaid:

• hu garra duim wijan job ba dis biginini, mami or dedi wan laik hu gara deigim kids na skul
• if dem biginini garra lib la mami o dedi.

‍

‍

Dat Judj maiti decide yu or yu ex patna noma gin:

• kipum seif alla biginini
• keya brabli wei ba yu biginini.

‍

‍

Im maiti decide yu biginini garra lib garra wanbala gardian.

A gardian im person hu meigim disishin ba biginini.

A gardian maitbi:

• a femili memba
• a fren.

‍

2. Hau mach taim yu spen gat yu children

‍

Dat judj wil jingabat hau mach taim yu spen garra yu biginini.

Dey garra luginat:

• wannim yu biginini age
• hau klos yu lib la yu ex patna.

‍

Dey noma eni rul na femili kot weya children garra spen saim taim garrim itj parent.

‍

‍

‍

‍

3. Hau mach of yu mani yu spendim na yu biginini

‍

Dat judj garra jingabat hau mach mani yu en yu ex patna garra spendim na yu biginini du.

Jas laik, yu maiti nid ba spendim moa mani la yu biginini ip yu meigim moa mani la wek den yu ex patna meigim.

‍

‍

Yu en yu ex partna gara both sapot yu children gara yu mani.

Dijan garra hepin eben if yu biginini onli lib gara wanbala parent.

‍

‍

‍

Yu en yu ex patna gin agri la wan informal plen ba mani stori ba yu biginini.

Wen samting informal, im noma gara strongbalawan rul imin wikwan.

‍

‍

‍

Or dat judj gin orda wanbala parent to payimbat child sapot thru Services Australia.

Child sapot imin wen judj bin orda wanbala parent to payimbat mani la jat najawan parent hu them biginini lib garra.

‍

‍

Sapot ba yu

‍

Itj stat en teritri la Australia gara ligul wan sapot sebis ba pipul hu bin guthru domestic en femili biolens.

Dijan ligul sapot sebis kolum Family Advocacy Support Services (FASS).

FASS gin gibit yu:

• fri ligul wan adbise
• sapot if yu nid to go na kot.

‍

Yu gin bisit na Family Advocacy Support Services website ba faindat mo infomashin.

‍

‍

‍

Yu gin kollim FASS enitaim du.

Jas laik, if yu garra lib wan relashinship bat wandim ligul alb fes. Bifo yundubala bregimap.

1800 737 732

‍

‍

Dey garim najalot sebis yu gin yujim du.

Jas laik, yu gin get counselling.

Counselling im wen yu wek gat samwan to dela im hau yu jingabat en fil.

Dis gin album yu:

• meigim target gol
• fil seif
• lenim nyuwan skil
• sabi wat bin hepining na yu.

‍

Yu gin faindat mo la mela paj abat sapot ba yu.