La dis paj mela toktok ba biolens en ebyus.

Biolens en ebyus wen samwan:

• urdim yu
• britenembat yu
• dela yu wat tu du.

‍

Mela brabli luginat na biolens en ebyus dumaji ba yu relijin or kulcha.

Your kulcha im:

• hau yu lib
• hau yu jingabat or act now dumaji hau yu bin groap
• ba wanim yu beliebe en
• wanim importanwan na yu.

‍

Dey garrim sapot if dis infomashin na dis paj meigim yu apset.

Yu gin faindat mo la mela paj abat sapot ba yu.

‍

‍

‍

Langa dijan paj:

• Wanim biolens en ebyus dumaji ba yu relijin or kulcha
• Hu can abum biolens or ebyus dumaji ba dey relijin en kulcha
• Wanim yu gin duim
• Stori ba showa yu raits ba yu

Wanim biolens en ebyus dumaji ba yu relijin or kulcha

‍

Biolens en ebyus dumaji ba yu relijin en kulcha im wen samwan yusim dey ronwan relijin or kulcha ba:

• meigim yu fil sheim
• control yu.

‍

‍

Im gin bi wen samwan meigim yu joinap na deronwan relijin en kulcha du.

Sabi laik:

• della yu noma wedim samkain clothes
• meigim yu pray
• noma lauyu preipreibat.

‍

Dijan im kraim la Australia.

‍

‍

‍

‍

Alabat garra rait bla abumbat dey ronwan rejijin.

Raits, sabi em ruls ba hau pipul garra trit yu:

• raitwei
• en saim laik everybody els.

‍

Im noma gud ba samwan meigim yu duimbat der ronwan relijin or kulcha.

‍

‍

‍

Im noma gud ba samwan tisimbat yu ba yu relijin or kulcha.

‍

‍

‍

Sam stori ba biolens en ebyus dumaji ba yu relijin en kulcha

‍

Mela bin raidim sam lil wan stori ba jowim yu biolens or ebyus dumaji ba yu relijin or kulcha so yu gin sabi wani ai tok.

Yu gin misat dis sekshin if im meigi yu apset.

‍

‍

‍

Samwan noma lau yu en stabam yu duimbat ting bram yu relijin.

Sabi laik, if yu Muslim, dey mait dell ayu yu kaan:

• wearim hijab (laik headdress ba wimun)
• go la mosque (laik jurch ba Muslim mob)

Or maiti della yu noma dichem ba yuron biginini ba yu relijin en kulcha.

‍

Biolens en ebyus dumaji ba yu relijin or kulcha im gin be wen samwan meigim yu:

• dagat certain kain dagah yu not laud du bram yu relijin or kulcha
• onli toktok bat wan languis (laik English).

‍

Im gin bi had if yu garra bi gat dat person hu bin yusimbat dis kain biolens or ebyus.

‍

‍

‍

Im gin be had du if yu lib gara pipul hu noma garim saim kain relijin or kulcha laiga yu.

Eben if yu lib langa home weya pipul gara najawan relijin or kulch ownim jat kemp.

‍

‍

Hu can abum biolens or ebyus dumaji ba dey relijin en kulcha

‍

Eniwan gin abum biolens or ebyus dumaji ba dey relijin or kulcha.

‍

‍

‍

‍

Pipul gin abum dijan kain biolens or ebyus bram eniwan.

Sabi laik, bram:

• a partna laik boyfren or gelfren
• a femili mob or kera.

‍

Pipul gin abum dijan biolens or ebyus eniweya.

Sabi laik:

• at home la yu kemp
• langa hospil
• langa aged keya hom

Age keya hom im weya olpipul lib wen dey kaan lib lang im ronwan kemp nomo.

‍

Wanim yu gin duim

‍

If yu lib langa age keya hom, yu shud lenim ala rul en polisi ba jat hom.

Jat polisi maiti dela yu hau bla dey garra lukaftam yu raits.

A polisi imin:

• plen ba duimbat ting gudwei
• weya ala rul bin git kamat bram.

‍

Yu gin duim sam step if yu bin abum biolens or ebyus dumaji ba yu relijin or kulcha.

‍

‍

‍

‍

Yu shud toktokbat na samwan yu trus if yu fil apset or nidum sapot.

Sabi laik, a:

• fren
• femili mob
• sapot weka.

‍

Mela garim infomashin en risors la dis websait bla album yu gajim sapot yu nidum.

Yu gin faindat mo la mela paj abat sapot ba yu.

‍

‍

‍

Yu can toktokbat langa financial counsellor.

A financial counsellor im samwan hu gin album yu plen to manijim yu mani gudwei.

‍

‍

Yu gin also lenim ba yu raits.

Yu gin faindat mo na mela paj abat our rights.

‍

‍

Yu shud deigim gud keya na misel.

Yu gin faindat mo na mela paj abat getting the most out of life.

‍

‍

Stori ba showa yu raits ba yu

‍

Mela bin raidimdan wan stori ba sho yu hau biolens en ebyus dumaji ba yu relijin en kulcha.

‍

‍

‍

‍

Dijan stori mela bin raidim ba wan peson kollim Eve.

‍

‍

‍

‍

‍

‍

Dijan liar wan stori gara gemin pipul.

Mela bin meigimap so yu gin sabi biolens en ebyus dumaji ba yu relijin en kulcha.

‍

‍

‍

Ba Eve stori

‍

Eve, im lib garrim im mami en dedi.

Eve mami en dedi im kera blanga Eve du.

‍

‍

‍

Eve mami en dedi jey Katholik.

Bat Eve noma gadim relijin.

‍

‍

‍

Eve, im leigim werimbat dark klothes gat makeup.

‍

‍

‍

‍

Eve mami en dedi rigin dresembat lagajat, im rong.

Dey noma lau Eve drejim hau im wandim.

‍

‍

‍

Eve mami en dedi gu na tjetj ebri Sandei.

En dey meigim Eve kam du, eben wen im noma wandim.

‍

‍

‍

Eve mami en dedi bin duimbat biolens en ebyus dumaji ba Eve relijin en kulcha.