La dis paj, mela garra tok abat sekshul biolens or ebyus maiti yu bin git bram yu partna.

Sabi laik yu boyfren or gelfren.

Sekshul biolens or ebyus im wen samwan:

• meigi yu duimbat sekshul ting yu noma wani duim
• duimbat sam sekshul ting yu noma wandim duimbat la yu.

‍

Dey garrim sapot if dis infomashin na dis paj meigim yu apset.

Yu gin faindat mo la mela paj abat sapot ba yu.

‍

‍

‍

Langa dijan paj:

• Wanim sekshul biolens or ebyus bram yu partna
• Hau sekshul biolens or ebyus bram yu partna meigi yu fil
• Wanim yu gin duim
• Stori ba showa yu raits ba yu

‍

Wanim sekshul biolens or ebyus bram yu partna

‍

Sekshul biolens or ebyus bram samwan partna im laik domestic en femili biolens.

Domestic en femili biolens im wen samwan gulijap na yu ardim yu laik:

• yu partna, laik boyfren or gelfren
• samwan na yuron femili mob
• samwan hu lukafta yu
• samwan yu lib garra.  

‍

Eniwan gin gerra sekshul biolens or ebyus bram im partna.

No mata:

• hu yu are
• en wat kain jat relashinship yu en yu partna garrim.

Yu relashinship gat samwan im hau yu kinected gat dat person.

‍

Im noma yu falt if yu bin abum sekshul biolens or ebyus bram yu partna.

Im brabli importanwan yu gerrim sapot yu nid bram:

• samwan yu tras
• sapot sebis.

Yu noma garra jidan misel garra dis brablem.

‍

Givimbat yu consent (tok yuwai)

‍

Alabat hu duimbat sekshul ting shud gibit consent.

Wen yu gibit consent, yu tok yuwai, im rait ba samwan ba duim samting yundubala agri.

‍

‍

Yu partna shud rispek na yu disishin ba:

• if yu wanim duimbat sekshul ting
• weya, wen en hau yu wanim duimbat sekshul ting.

‍

‍

Dis yu rait ba meigim dis disishin ba wanim yu wandim.

Raits, sabi em ruls ba hau pipul garra trit yu:

• raitwei
• en saim laik everybody els.

‍

Yu bin noma gibit consent if yu partna meigi yu fil laik:

• britenwan ba tok ‘no’
• meigi yu fil thretin.

‍

Yu bin noma gibit consent if yu bin tok ‘no’:

• gat yu wed
• gat yu bodi sabi laik push yu partna awei.

‍

‍

Yu bin noma gibit consent if yu noma tok enijing du.

‍

‍

‍

‍

Yu gin gibit yu consent ba duimbat sekshul ting.

Bat yu gin jeinj yu main enitaim.

Imin, jat sekshul ting garra stap strait awei.

‍

‍

Seks gat no consent

‍

Alabat garra gerrim consent ba ebri sekshul ting dey duimbat.

Bat, yu partna mait try diffrin kain ting ba meigi yu tok yuwai.

‍

‍

‍

Sabi laik, de maiti:

• urdim yu fisikal wan
• thretin yu
• trik yu
• meigi yu fil nogud wei if yu bin tok no.

‍

If yu noma wandi duimbat sekshul ting dat sekshul ting shud noma hepin.

‍

‍

‍

‍

Maiti yu bin gibit yu consent ba sekshul tin gat yu partna jas wan taim.

Bat im noma min yu garra kip gon gibit consent alagija.

‍

‍

‍

Im mait luk laik yu partna jes wanimbat seks.

Bat sekshul biolens or ebyus bram partna min im only wanna control yu.

‍

‍

Alabat shud be laud ba meigim im ronwan disishin ba seks.

Yu bodi im blong yu.

Yu bodi, im noma blong na yu partna.

‍

‍

Iya sam kain sekshul biolens or ebyus

‍

Mela raidim dan sam stori ba sekshul biolens en ebyus so yu gin sabi wanim dijan ting.

Yu gin misat dis sekshin if im meigi yu apset.

‍

‍

‍

Yu partna mait try to tuch en kis na yu bodi wen yu bin noma gibit consent.

Maiti dey lagajat:

• over yu clothes
• unda yu clothes.

‍

Yu partna maitbi gibit misel en mastabate neks to yu la bed wen yu bin noma gibit consent.

Wen sambodi mastabate, dey pleiplei gat im pribat pat ba meigim fil gud.

‍

‍

‍

Yu partna maiti meigi yu luk na samwan els duimbat sekshul ting, wen yu noma wandim or noma gibit yu consent.

Jas laik, maiti dey meigi yu luk pornography.

Pornography im foto or bidio ba:

• samwan pribat pat
• dubala duimbat sekshul ting.

‍

Maiti yu patna meigi yu git nakedwanbala wen yu noma wandi du.

‍

‍

‍

Maiti yu patna try burremin samting insaid na yu pribat pat wen yu bin noma gibit yu consent.

Sabi laik, seks toy.

‍

‍

‍

Maiti yu partna try meigim yu buntibunti wen yu bin noma gibit consent.

Sabi laik:

• demaj yu birth control so im noma wek
• deigim off dat condom wen yudubala abum seks.

Birth control gin stap yu bram girrim buntibunti.

‍

Yu partna maiti yusem bullying wen yudubala duimbat sekshul ting.

Bullying im wen samwan sey or duim samting en meigim yu fil nogudwan ober en ober igin.

‍

‍

Maiti yu partna hol yu dan en yu kaan mub, wen yu noma gibit yu consent.

Sabi laik, maiti yusim rope.

‍

‍

‍

Yu partna maiti tjek if yu bin duimbat sam sekshul ting garra samwan els dey bin noma sabi.

Jas laik dey maiti try luk na yu undaweya en meigi yu show dem du.

‍

‍

Hau sekshul biolens or ebyus bram yu partna meigi yu fil

‍

Mela bin raidim dan sam wei sekshul biolens or ebyus gin duim la yu:

• fisikal halth
• mental halth
• hau yu behave en jingabat misel.

‍

Fisikal halth

‍

If yu bin abum sekshul biolens or ebyus bram yu partna, yu maiti gerrim injuri la yu bodi.

‍

‍

‍

Yu maiti filim breinbas.

En bikmob breinbas gin meigi pipul git sik.

‍

‍

‍

Yu maiti wari ba girrim buntibunti.

‍

‍

‍

Yu partna mait meigi yu girrim aborshin, eben if yu noma wandim.

Wen yu abum aborshin, yu mait:

• abum lil wan surjeri

or

• deigim medijin.

Dis wil stap yu bram buntibunti.

‍

Mental halth

‍

If yu bin abum sekshul biolens or ebyus bram yu partna, yu maiti fil:

• stress
• shaim
• lonliwan
• empti.

‍

Maiti yu also fil laik dis sekshul biolens or ebyus im yuron falt du.

Bat najing im neba yu falt if yu bin abum sekshul biolens or ebyus bram yu partna.

‍

‍

Bihavya

‍

If yu bin abum sekshul biolens or ebyus bram yu partna, yu maiti kaan:

• duim ebriday ting
• or jingabat enijing gudway.

‍

Yu mait noma wandim duimbat:

• sekshul ting
• or enijing yu leigim duimbat.

Yu maiti noma wandi jidan gat yu femili en fren.

‍

Wanim yu gin duim

‍

Sekshul biolens or ebyus gin stap, no mada:

• hau long imin hepening
• hau yu fil.

‍

‍

Bat a partna will not stap yusimbat sekshul biolens or ebyus unless dey:

• wandim jeinj disnogudwan bihavya
• duimbat samting ba meigim stap.

‍

‍

Dey garrim sapot yu gin gerrim if yu wanim binijap gat yu partna.

‍

‍

‍

‍

Bat mela sabi if yu wandim stay gat yu partna du.

Yu gin git sapot ba:

• stay gat yu partna in seif wie
• meigim sho jat sekshul biolens en ebyus stap.

‍

Sam step yu gin meigim if yu bin abum sekshul biolens or ebyus hepin la yu bram yu partna.

‍

‍

‍

‍

Yu shud toktokbat na samwan yu trus if yu fil apset or nidum sapot.

Sabi laik, a:

• fren
• femili mob
• sapot weka.

‍

Mela garim infomashin en risors la dis websait bla album yu gajim sapot yu nidum.

Yu gin faindat mo la mela paj abat sapot ba yu.

‍

‍

‍

Yu gin jingabat meigim mijelp seifwan.

Yu gin faindat mo la mela paj abat becoming safer.

‍

‍

‍

Mela also garim infomashin ba yu raits.

Yu gin lenim moa la mela paj abat our rights.

‍

‍

Mela also garim infomashin abat hau yu gin libim gudwan laif.

Yu gin len mo la mela paj abat getting the most out of life.

‍

‍

Stori ba showa yu raits ba yu

‍

Mela bin raidim wan lil story bas ho yuh au sombadi bin abum sekshul biolens or ebyus bram im partna wan.

‍

‍

‍

‍

Dijan stori mela bin raidim ba wan peson kollim Eve.

‍

‍

‍

‍

‍

‍

Dijan liar wan stori gara gemin pipul.

Mela bin meigimap bas ho sekshul biolens or ebyus bram yu partna.

‍

‍

‍

Ba Eve stori

‍

Eve, im garra partna kollim Joan.

‍

‍

‍

‍

Joan bin try tachim Eve pribat pat wen dubala bin lyin daun na bed.

‍

‍

‍

‍

Eve della Joan im noma wandim abum seks.

‍

‍

‍

‍

Joan bin git apset.

Joan bin asgim Eve why dubala together if dey noma abum seks.

‍

‍

‍

Dijan bin meigim Eve apset.

‍

‍

‍

‍

‍

Joan bigin plei plei gat miselp neks to Eve.

Eve bin della Joan imin meigim fil nogud en shaim.

‍

‍

‍

Joan bin duimbat sekshul biolence or ebyus na Eve.

Dumaji Eve noma gibit Joan consent.